سؤال وجواب :برأيك شو الحل ؟؟

الأول: يعني إنت برأيك شو الحل؟؟
الثاني: أنا رأيي يحلّوا هالقصّة من جذورها
الأول: طيب.. مهيدا هوّي يلّي عمبصير بس ما عميوصلوا لحل
الثاني: لأ.. بعدن هنّي مقصرين كتير, صدّقني.. ما وصلوا للجذور
الأول: شو شجرة هيي يا زلمة؟؟ القصّة أكبر من هيك.. و بعدين مش شايف أدّيه صار في محاولات لحل الأزمة؟؟ و أدّيه في مبادرات؟؟
الثاني: مبلا.. لاحظت.. و يلّي بشوف هالمبادرات رايحة جاي, بقول أف شو في خير بهالعالم.. بس كلّو ما بينفع .. صدّقني
الأوّل: مش عمبفهم عليك.. يعني قصدك لازم يرجعوا للحوار؟؟
الثاني: أيّ حوار يا عمّي؟؟ شو أهبل إنت ؟؟.. قال حوار قال.. ليك وين بعده
الأوّل: طيّب خلّصني و قلّي شو الحل
الثاني: خلّيني قبل قلّك شو المشكلة
الأوّل: هات لنشوف
الثاني: المشكلة إنّو كلّ العالم ,بمن فيهن حاملي المبادرات , مفكرين إنّو القضيّة سياسيّة
الأول: أها.. ليش هيّي شو دخلك؟؟
الثاني: هيّي قضيّة بيولوجيّة بحت
الأوّل: بحت ؟؟!.. و بالفصحى كمان؟؟ّ .. شو خص؟؟!
الثاني: خلّيني كمّل أوّل شي
الأوّل: طيّب خلّصني .. كمّل
الثاني: القضيّة و ما فيها إنّو نحنا كشعب عنّا جينات شغلتها عملتها إنّو ما نتّفق على شي
الأوّل: أها
الثاني: إيه.. هون جذور المشكلة.. يعني لا حوار.. و لا انتخابات مبكّرة.. و لا وحدة وطنيّة.. ولا شي.. هاي مش حلول.. ما رح يمشي الحال.. صدّقني
الأوّل: أها.. لكن شو الحل برأيك؟؟
الثاني: لازمنا مبادرة بيولوجيّة
الأوّل: يا حبيبي.. والله إنّو بالك فاضي إنت
الثاني: ليه مش مصدّقني؟؟.. هيدا الحلّ الوحيد.. لازم نكثّف الأبحاث الجينيّة و نشوف كيف فينا نتخلّص من الجينات المسبّبة للمشكلة.. أو قلّك.. نحنا مش فاضيين لهيك شغلات و ما منفهم فيها.. منقول للأجانب يدرسولنا القصّة و بس يلاقوا حل بيبقوا بخبرونا
الأوّل: و عبين ما يلاقوا الحل شو منعمل؟؟
الثاني: ولا شي.. منضيّع وقت بنفس المحاولات يلّي ما بتوصّل لنتيجة.. هيك هيك قاعدين
الأوّل: طيّب و بس يلاقوا الحل ؟؟
الثاني: منخلّيهن يلقوا نظرة على جينات الطائفيّة
الأوّل: أففف... القصّة طويلة على هالحال
الثاني: شو بدنا نعمل.. قدر و نصيب
الأوّل: بتعرف شو؟؟
الثاني: شو؟
الأوّل: الحق عليّي يلّي سألتك شو رأيك من الأوّل.. الّله لا يسامحني على هالعملة

::::::
Exclamation

تسلم اخ مهدى على مجموعة الاسئلة التي تحمل بعض الغموض بين طياتها
شكرا لك اخ و دمت معنا بالمنتدى

تسلم اخي الحبيب والغالي ع قلبي :نعم عندك الحق اصبت :فهي كلها غموض ولكن لا يخفى عليكم شيئ انتم الشاطريين والنشطيين ::مع كل الود والتقدير

شكرا لك اخى

لا شكر ع واجب :الشكر الجزيل لمرورك الكريم وقراءة الموضوع :مع كامل التحية والمودة

بداية بقيت اضرب اخماس في اسداس كي افهم لغز هذه الأسلئة شكرا لك اخى ممتازة

اهلا اخي شكرا لك ومرحب بقدومك :انها اللغاز وليست واحدة /مع التحية لمرورك الجميل